కొరిటపాడు వాకింగ్ ట్రాక్ అభివృద్ధికి నూతన కమిటీ కృషి చేయాలి: ఎమ్మెల్యే గల్లా మాధవి

వాకింగ్ ట్రాక్లు ప్రజలకు ఆరోగ్యాన్ని, ఆహ్లాదాన్ని పంచే కేంద్రాలని, అందరూ కలుసుకునే ఒక వేదిక అని ఎమ్మెల్యే గల్లా మాధవి పేర్కొన్నారు. నూతనంగా ఎన్నుకోబడిన 12 మంది కమిటీ సభ్యులు రాజకీయాలకు, విభేదాలకు తావులేకుండా సమిష్టిగా పనిచేయాలని ఆమె పిలుపునిచ్చారు.

మనం ఉన్న సమయంలో ఏం చేశాం ఎంత చేశాం ఎలా చేశాం అనే అంశాలను గుర్తుంచుకుని, రెండేళ్ల పదవీకాలంలో కంటికి కనిపించే అభివృద్ధి పనులు చేపట్టాలని ఎమ్మెల్యే సూచించారు. వాకింగ్ ట్రాక్ వసతుల కల్పనకు అవసరమైన నిధులు తీసుకొచ్చేందుకు కృషి చేయాలని ఆమె కోరారు.

గతంలో చేపట్టిన పనులు

గతంలో కొరిటపాడు వాకింగ్ ట్రాక్ వద్ద రోడ్డు, పార్కింగ్ సమస్యల పరిష్కారంతో పాటు జిమ్ మంజూరు చేశామని ఎమ్మెల్యే గుర్తుచేశారు. మొక్కల సంరక్షణ బాధ్యత తీసుకున్న సభ్యులను అభినందిస్తూ, పర్యావరణంపై అవగాహన పెంచాలని ఆమె కోరారు.

ఈ కార్యక్రమంలో వాకర్స్ అసోసియేషన్ అధ్యక్షులు భాష్యం నరసయ్య, లింగంశెట్టి కోటేశ్వరరావు, నాయకులు తలతోటి సురేంద్ర, ఇన్నారెడ్డి, చాగంటి విష్ణువర్ధన్ రెడ్డి, వెదురూరి శ్రీనివాసరావు తదితరులు పాల్గొన్నారు.