భావితరాలకు మంచి వాతావరణం అందిద్దాం

స్వాతంత్ర్య వేడుకల్లో మొక్కలు నాటే కార్యక్రమం

స్వాతంత్ర్య దినోత్సవ వేడుకలను పురస్కరించుకుని, వికసిత్ భారత్ జి రామ్ జి పథకం కింద చీరాల ఏపీ ఆదర్శ పాఠశాల, జూనియర్ కళాశాలలో ఈ కార్యక్రమాన్ని నిర్వహించారు. ఈ సందర్భంగా జిల్లా కలెక్టర్ వినోద్ కుమార్, చీరాల శాసన సభ్యులు ఎం ఎం కొండయ్య, ఆప్కో చైర్మన్ డాక్టర్ సజ్జా హేమలత కలిసి మొక్కలు నాటారు. పర్యావరణ పరిరక్షణ ఆవశ్యకతను, భావితరాలకు స్వచ్ఛమైన వాతావరణాన్ని అందించాల్సిన బాధ్యతను కలెక్టర్ ఈ సందర్భంగా గుర్తు చేశారు.

విద్యార్థులతో కలెక్టర్ ముచ్చట

మొక్కలు నాటే కార్యక్రమం అనంతరం, కలెక్టర్ వినోద్ కుమార్ పాఠశాలలోని విద్యార్థులతో మాట్లాడారు. వారి చదువులు, విద్యా బోధన, వసతుల కల్పన వంటి అంశాలపై ఆరా తీశారు. విద్యార్థులు బాగా చదువుకుని, మంచి ఉద్యోగాలు సాధించిన తర్వాతే వివాహాలు చేసుకోవాలని సూచించారు. యుక్త వయసు రాకముందే వివాహాలు చేసుకోవాలని ఒత్తిడి పెరిగితే పోలీసులకు, అధికారులకు సమాచారం ఇవ్వాలని తెలిపారు. ప్రభుత్వం కల్పించే అవకాశాలను సద్వినియోగం చేసుకుని ఉన్నతంగా ఎదగాలని విద్యార్థులకు ఆయన సూచనలు చేశారు.

కార్యక్రమంలో పాల్గొన్న ప్రముఖులు

ఈ కార్యక్రమంలో డ్వామా పిడి విజయలక్ష్మి, డీఈవో శ్రీనివాస్ సింగ్, చీరాల ఆర్డీవో నరసింహారావు, పాఠశాల ప్రిన్సిపల్, ఉపాధ్యాయులు, విద్యార్థినీలు, తదితరులు పాల్గొన్నారు.