మిస్ గ్రాండ్ తెలంగాణ–2026 పోటీల్లో గుంటూరుకు చెందిన యశస్వి జగ్గురోతి రెండో రన్నరప్గా ఎంపికయ్యారు. రాష్ట్రస్థాయిలో జరిగిన ఈ పోటీల్లో ఆమె తన ప్రతిభతో గుర్తింపు పొందారు.
హైదరాబాద్లో చదువుకుంటున్న యశస్వి, ఫ్యాషన్ మరియు గ్రూమింగ్ రంగంలో ప్రత్యేక శిక్షణ తీసుకున్నారు. ఈ పోటీల్లో ఆమె వ్యక్తిత్వం, కమ్యూనికేషన్ నైపుణ్యాలు, ర్యాంప్ వాక్ వంటి అంశాల్లో ప్రతిభ కనబరిచారు.
పోటీలకు రాష్ట్ర డైరెక్టర్గా వ్యవహరించిన భార్తి, ఇలాహి మోడలింగ్ అండ్ ఫినిషింగ్ స్కూల్ వ్యవస్థాపకురాలు యశస్వికి ప్రోత్సాహం అందించారని నిర్వాహకులు తెలిపారు. వివిధ రౌండ్లలో అభ్యర్థుల ప్రతిభను నిశితంగా పరిశీలించిన తర్వాత విజేతలను ఎంపిక చేశారు.
యశస్వి తల్లిదండ్రులు శ్రీనివాసరావు, సావిత్రి తమ కుమార్తె విజయం పట్ల సంతోషం వ్యక్తం చేశారు. సాధారణ కుటుంబం నుంచి వచ్చి రాష్ట్రస్థాయిలో గుర్తింపు పొందడం గర్వించదగిన విషయమని వారు పేర్కొన్నారు.
భవిష్యత్తులో జాతీయ స్థాయిలోనూ రాణించాలని లక్ష్యంగా పెట్టుకున్నట్లు యశస్వి తెలిపారు. ఈ విజయం తన కుటుంబం, గురువులు, మరియు తనపై నమ్మకం ఉంచిన ప్రతి ఒక్కరి సహకారంతోనే సాధ్యమైందని ఆమె అన్నారు.
