అమెరికా కోర్టు సమన్లు: దోవల్, గోయల్పై పన్నూన్ కేసులో కీలక మలుపు

2024లో పన్నూన్ అమెరికాలో దాఖలు చేసిన సివిల్ దావాలో భారత ప్రభుత్వం, అజిత్ దోవల్, సమంత్ గోయల్తో పాటు మరికొందరిని ప్రతివాదులుగా పేర్కొన్నాడు. తనను హత్య చేసేందుకు కుట్ర జరిగిందని, అందులో భారత అధికారుల పాత్ర ఉందని ఆరోపిస్తూ నష్టపరిహారం కోరాడు. అయితే ఇవి పన్నూన్ చేసిన ఆరోపణలు మాత్రమే. ఈ కేసులో దోవల్, గోయల్ ప్రమేయం నిరూపితమైనట్లు కాదు.

సమన్ల జారీకి అనుమతి

న్యూయార్క్లోని సదరన్ డిస్ట్రిక్ట్ కోర్టు న్యాయమూర్తి కేథరిన్ పోల్క్ ఫైల్లా న కీలక ఆదేశాలు జారీ చేశారు. దోవల్, గోయల్ కు సంబంధించిన సమన్లను ఢిల్లీలోని సంబంధిత కోర్టుల ద్వారా అందించే ప్రతిపాదనకు అనుమతించారు. ఇందుకోసం అవసరమైన పత్రాలను లోగా సమర్పించాలని పన్నూన్ తరఫు న్యాయవాదులను ఆదేశించారు.

ఇది సమన్లను అందించే విధానానికి సంబంధించిన ప్రక్రియాపరమైన అనుమతి మాత్రమే. దోవల్, గోయల్ పై ఆరోపణలు నిజమని కోర్టు నిర్ధారించినట్లు కాదు. అలాగే వారిపై తుది తీర్పు వెలువడలేదు.

భారత్ అభ్యంతరం

ఈ వ్యవహారంపై విదేశాంగ శాఖ అధికార ప్రతినిధి రణధీర్ జైస్వాల్ స్పందిస్తూ.. భారత ఉన్నతాధికారులపై చేసిన ఆరోపణలు కల్పితమైనవి, దురుద్దేశపూరితమైనవని పేర్కొన్నారు. ఇలాంటి పనికిమాలిన దావాలను భారత్ తిరస్కరిస్తోందని స్పష్టం చేశారు. విదేశీ కోర్టుల న్యాయపత్రాలను భారత్లో అందించాలంటే కేంద్ర ప్రభుత్వం నియమించిన అధికార సంస్థ అయిన న్యాయశాఖ ద్వారా మాత్రమే పంపాలని తెలిపారు.

నిఖిల్ గుప్తా కేసుతో సంబంధం

అమెరికా న్యాయశాఖ దర్యాప్తులో భాగంగా నిఖిల్ గుప్తాపై పన్నూన్ను హత్య చేసేందుకు కిరాయి హంతకుడిని నియమించడానికి కుట్ర పన్నాడనే అభియోగాలు నమోదయ్యాయి. 2023లో చెక్ రిపబ్లిక్లో అరెస్టయిన గుప్తాను అమెరికాకు అప్పగించారు. ఈ క్రిమినల్ కేసులో గుప్తా తనపై ఉన్న అభియోగాలను అంగీకరించాడు. అయితే పన్నూన్ దాఖలు చేసిన సివిల్ దావా దీనికి వేరుగా కొనసాగుతోంది.

ఈ పరిణామం భారత్అమెరికా దౌత్య సంబంధాల్లో మరో చర్చకు దారితీసే అవకాశముంది.

ఖలిస్థానీ వేర్పాటువాద నేత గురుపత్వంత్ సింగ్ పన్నూన్ దాఖలు చేసిన కేసులో, భారత జాతీయ భద్రతా సలహాదారు అజిత్ దోవల్, మాజీ రా చీఫ్ సమంత్ గోయల్కు న్యాయపత్రాలు అందించేందుకు భారత కోర్టుల మార్గాన్ని ఉపయోగించుకోవచ్చని అమెరికా న్యూయార్క్ ఫెడరల్ కోర్టు నవంబర్ 9న అనుమతించింది. ఈ పరిణామంపై భారత విదేశాంగ శాఖ తీవ్ర అభ్యంతరం వ్యక్తం చేసింది.