జిల్లా ఉత్తమ ఉపాధ్యాయుడు సమిటి వెంకటేష్కు ఘన సత్కారం

నెలవాయి మండలం బుచ్చినాయుడు కండ్రిగలోని హైస్కూల్లో శనివారం ఆత్మీయ సత్కార కార్యక్రమం జరిగింది. ఇటీవల జిల్లా ఉత్తమ ఉపాధ్యాయ అవార్డు అందుకున్న సమిటి వెంకటేష్ను నెలవాయి సీఆర్సీ హెచ్ఎ మేడమ్, తోటి ఉపాధ్యాయ మిత్రులు ఘనంగా సత్కరించారు. ఈ సందర్భంగా పాఠశాల ప్రాంగణంలో ఏర్పాటు చేసిన ప్రత్యేక కార్యక్రమంలో వెంకటేష్కు శాలువా కప్పి, పండ్ల బుట్టను అందజేసి అభినందనలు తెలియజేశారు. ఆయన విద్యా రంగానికి అందిస్తున్న సేవలను, విద్యార్థుల పట్ల చూపుతున్న ప్రత్యేక శ్రద్ధను ఉపాధ్యాయులు ఈ సందర్భంగా కొనియాడారు. ఈ అవార్డు ఆయన బాధ్యతను మరింత పెంచిందని, భవిష్యత్తులో మరెన్నో విజయాలు సాధించాలని వారు ఆకాంక్షించారు. ఈ కార్యక్రమంలో పాఠశాల ఉపాధ్యాయ బృందం, సిబ్బంది పాల్గొన్నారు.