జమ్మూకశ్మీర్లోని కుల్గామ్ జిల్లాలో బుధవారం మధ్యాహ్నం ఉగ్రవాదులు సీఆర్పీఎఫ్ చెక్పోస్ట్పై కాల్పులు జరిపారు. ఈ ఘటనలో ముగ్గురు సీఆర్పీఎఫ్ సిబ్బంది గాయపడగా, వారిలో ఒకరి పరిస్థితి విషమంగా ఉన్నట్లు సమాచారం.
మోటార్ సైకిల్పై వచ్చిన దుండగులు చెక్పోస్ట్ వద్ద భద్రతా సిబ్బందిని లక్ష్యంగా చేసుకుని కాల్పులు జరిపినట్లు ప్రాథమిక సమాచారం. దాడి జరిగిన వెంటనే అప్రమత్తమైన భద్రతా బలగాలు క్షతగాత్రులను ఆసుపత్రికి తరలించాయి.
ఘటన నేపథ్యంలో ఆ ప్రాంతంలో భద్రతను కట్టుదిట్టం చేశారు. దాడికి పాల్పడిన వారి కోసం గాలింపు చర్యలు చేపట్టారు.
ఈ ఘటనకు సంబంధించిన పూర్తి వివరాలు, దాడి వెనుక ఉన్నవారి గుర్తింపు గురించి అధికారిక సమాచారం వెలువడాల్సి ఉంది.
