వాహనాలపై పెండింగ్లో ఉన్న ట్రాఫిక్ ఈ-చలాన్ల విషయంలో సుప్రీంకోర్టు కీలక ఆదేశాలు జారీ చేసింది. చలాన్లను కేవలం జారీ చేయడమే కాకుండా, వాటి బకాయిలను సమర్థంగా వసూలు చేయాలని రాష్ట్రాలు, కేంద్ర పాలిత ప్రాంతాలను ఆదేశించింది. బకాయిలు చెల్లించని వాహనాలకు పలు రవాణా సేవలను నిలిపివేయాలని సూచించింది.
వాహనాలపై పెండింగ్లో ఉన్న ట్రాఫిక్ ఈ-చలాన్ల విషయంలో సుప్రీంకోర్టు కీలక ఆదేశాలు జారీ చేసింది. చలాన్లను కేవలం జారీ చేయడమే కాకుండా, వాటి బకాయిలను సమర్థంగా వసూలు చేయాలని రాష్ట్రాలు, కేంద్ర పాలిత ప్రాంతాలను ఆదేశించింది. బకాయిలు చెల్లించని వాహనాలకు పలు రవాణా సేవలను నిలిపివేయాలని సూచించింది.
పెండింగ్ చలాన్లు పూర్తిగా చెల్లించే వరకు వాహన రిజిస్ట్రేషన్ సర్టిఫికెట్ పునరుద్ధరణ, డూప్లికేట్ ఆర్సీ జారీ, యజమాని చిరునామా మార్పు వంటి సేవలను నిలిపివేయాలని కోర్టు ఆదేశించింది. అలాంటి వాహనాలను పరివాహన్ పోర్టల్లో బ్లాక్లిస్ట్ చేయాలని పేర్కొంది. వాహనం యాజమాన్య బదిలీకి కూడా ఆటంకాలు ఏర్పడనున్నాయి.
పెండింగ్ ట్రాఫిక్ జరిమానాలు పూర్తిగా చెల్లించే వరకు ఫిట్నెస్ సర్టిఫికెట్ ఇవ్వకూడదని, అలాగే పీయూసీ సర్టిఫికెట్ జారీ చేయకుండా చర్యలు తీసుకోవాలని సుప్రీంకోర్టు స్పష్టం చేసింది. దీంతో బకాయి చలాన్లు ఉన్న వాహనదారులకు వాహనానికి సంబంధించిన కీలక ధ్రువపత్రాల విషయంలో ఇబ్బందులు ఎదురయ్యే అవకాశం ఉంది.
ముఖ్యంగా పలుమార్లు ట్రాఫిక్ నిబంధనలు ఉల్లంఘించిన వారి డ్రైవింగ్ లైసెన్స్ల పునరుద్ధరణను నిలిపివేయడంతో పాటు, ఇప్పటికే ఉన్న లైసెన్స్లను సస్పెండ్ చేసే చర్యలు తీసుకోవచ్చని కోర్టు పేర్కొంది. 2026లో సవరించిన నిబంధనల ప్రకారం ఏడాదిలో ఐదు లేదా అంతకంటే ఎక్కువ ఉల్లంఘనలు చేస్తే వాటిని ప్రజలకు ప్రమాదకర ప్రవర్తనగా పరిగణించే నిబంధనను కూడా కోర్టు ప్రస్తావించింది.
పెండింగ్ ఈ-చలాన్ ఉన్న వాహనాలను యాదృచ్ఛికంగా తనిఖీ చేసే సమయంలో గుర్తిస్తే, అవసరమైన చర్యలు తీసుకుని వాహనాన్ని స్వాధీనం చేసుకోవాలని కూడా సుప్రీంకోర్టు ఆదేశించింది. దేశవ్యాప్తంగా భారీ మొత్తంలో ఈ-చలాన్ బకాయిలు పేరుకుపోయిన నేపథ్యంలో ఈ ఆదేశాలు జారీ అయ్యాయి.
రోడ్డు భద్రత నిబంధనల అమలులో భాగంగా వేగాన్ని గుర్తించే కెమెరాలు, సీసీటీవీలు, ఇతర ఎలక్ట్రానిక్ పర్యవేక్షణ వ్యవస్థలను మరింత సమర్థంగా వినియోగించాలని కోర్టు సూచించింది. ఈ-చలాన్ జారీ చేయడంతో ప్రక్రియ ముగియకుండా, జరిమానాల వసూలు కూడా జరిగేలా చర్యలు తీసుకోవాలని స్పష్టం చేసింది.
