రష్యాలోని సైబీరియా ప్రాంతంలో ఓ ప్రయోగశాల ఉద్యోగి అనుమానిత న్యుమోనిక్ ప్లేగుతో మృతి చెందడం కలకలం రేపింది. ఈ నేపథ్యంలో దాదాపు 200 మందిని వైద్య పర్యవేక్షణలో ఉంచారు. అయితే, మరణానికి ప్లేగే కారణమని అధికారులు అధికారికంగా నిర్ధారించలేదు.
సైబీరియాలోని ఇర్కుట్స్క్ ప్రాంతంలోని లో ఈ ఘటన చోటుచేసుకుంది. అక్కడి యాంటీ-ప్లేగ్ పరిశోధనా సంస్థలో పనిచేస్తున్న 2728 ఏళ్ల మహిళ తీవ్రమైన న్యుమోనియా లక్షణాలతో ఆసుపత్రిలో చేరింది. వెంటిలేటర్పై చికిత్స పొందుతూ ఆమె మృతి చెందింది. స్థానిక మీడియా కథనాల ప్రకారం ఆమె పేరు దర్యా షిపిలోవా.
ప్రయోగశాలలో ప్లేగు బ్యాక్టీరియాతో కూడిన పరీక్షా గొట్టం ప్రమాదవశాత్తూ పగిలిన తర్వాత ఆమెకు ఇన్ఫెక్షన్ సోకి ఉండొచ్చని వార్తలు వస్తున్నాయి. అయితే, ఈ ఘటనను రష్యా అధికారులు ధృవీకరించలేదు. పని నిమిత్తం చేసిన ప్రయాణంలో ఇన్ఫెక్షన్ సోకి ఉండొచ్చన్న మరో కథనం కూడా ఉంది.
వైద్య పర్యవేక్షణలో 197 మంది
మరణించిన మహిళతో సన్నిహితంగా ఉన్నట్లు గుర్తించిన సుమారు 197 మందిని అధికారులు వైద్య పర్యవేక్షణలో ఉంచారు. వారిలో ఇప్పటివరకు వ్యాధి లక్షణాలు కనిపించలేదని, పరీక్షల్లోనూ ప్రతికూల ఫలితాలు వచ్చినట్లు అధికారులు వెల్లడించారు. జిల్లా ఆసుపత్రిలో ప్రత్యేక జాగ్రత్తలు తీసుకుంటున్నారు.
ఇర్కుట్స్క్లో కొన్ని బహిరంగ కార్యక్రమాలను రద్దు చేశారు. సమీపంలోని అల్యూమినియం పరిశ్రమలో ఉద్యోగులు ముందుజాగ్రత్తగా మాస్కులు ధరించాలని ఆదేశించారు. ఇవన్నీ ముందు జాగ్రత్త చర్యలేనని, విస్తృత స్థాయిలో వ్యాధి వ్యాప్తి నిర్ధారణ కాలేదని అధికారులు చెబుతున్నారు.
న్యుమోనిక్ ప్లేగు లక్షణాలు
ప్లేగు వ్యాధికి యెర్సీనియా పెస్టిస్ అనే బ్యాక్టీరియా కారణం. న్యుమోనిక్ ప్లేగు ఊపిరితిత్తులను ప్రభావితం చేస్తుంది. బాధిత వ్యక్తి దగ్గినప్పుడు లేదా తుమ్మినప్పుడు వెలువడే శ్వాసకణాల ద్వారా ఇది వ్యాపిస్తుంది. జ్వరం, తలనొప్పి, బలహీనత, శ్వాస తీసుకోవడంలో ఇబ్బంది, ఛాతీ నొప్పి, దగ్గు వంటి లక్షణాలు కనిపిస్తాయి. తొలిదశలో గుర్తిస్తే యాంటీబయాటిక్స్తో నియంత్రించవచ్చు.
అధికారుల ప్రకటన
రష్యా ప్రజారోగ్య సంస్థ రోస్పోట్రెబ్నాడ్జోర్ బాధితురాలికి కారణం తెలియని న్యుమోనియా ఉన్నట్లు పేర్కొంది. ఇర్కుట్స్క్, ప్రాంతాల్లో ప్రజారోగ్య పరిస్థితి స్థిరంగా ఉందని తెలిపింది. పొరుగున ఉన్న బురియాటియా ప్రాంతాధిపతి అలెక్సీ త్సిడెనోవ్ కూడా తన ప్రాంతంలో ప్లేగు వ్యాప్తి లేదని స్పష్టం చేశారు.
ప్రస్తుతం రష్యాలో న్యుమోనిక్ ప్లేగు విస్తృతంగా వ్యాపిస్తోందని చెప్పడానికి ఆధారాలు లేవని అధికారులు తెలిపారు. ప్రయోగశాల ఉద్యోగి మరణానికి అసలు కారణం అధికారికంగా తేలాల్సి ఉంది. పరిస్థితిని నిశితంగా పరిశీలిస్తున్నారు.
ప్రస్తుతానికి, ఈ ఒక్క ఘటన ఆధారంగా పెద్ద ఎత్తున వ్యాధి వ్యాప్తి జరుగుతోందని భావించాల్సిన అవసరం లేదని నిపుణులు సూచిస్తున్నారు. అనుమానిత కేసులను వేరు చేయడం, సన్నిహిత వ్యక్తులను పర్యవేక్షించడం వంటి ముందుజాగ్రత్త చర్యలు చేపడుతున్నారు. ప్లేగు నిర్ధారణ అయితేనూ, తొలిదశలో చికిత్సతో నియంత్రించవచ్చు.
