జిల్లా చీరాల నియోజకవర్గంలోని రామాపురం బీచ్లో నిర్వహించిన ఏపీ ఇంటర్ డిస్ట్రిక్ట్ బీచ్ ఛాంపియన్షిప్ ఫుట్బాల్ పోటీలు ఘనంగా ముగిశాయి. ఈ పోటీల ముగింపు కార్యక్రమానికి చీరాల శాసనసభ్యులు మద్దులూరి మాలకొండయ్య హాజరై విజేత క్రీడాకారులకు బహుమతులు అందజేసి అభినందించారు.
రామాపురం బీచ్లో తొలిసారిగా నిర్వహించిన ఈ బీచ్ ఫుట్బాల్ ఛాంపియన్షిప్ యువ క్రీడాకారుల్లో ఉత్సాహాన్ని నింపింది. వివిధ ప్రాంతాల నుంచి పాల్గొన్న క్రీడాకారులు తమ ప్రతిభను కనబరిచారు. విజేతలైన విశాఖ, ఎన్టీఆర్ జిల్లాల క్రీడాకారులను ఎమ్మెల్యే ప్రత్యేకంగా అభినందించారు.
ప్రభుత్వ ప్రోత్సాహం
అనంతరం ఎమ్మెల్యే మాలకొండయ్య మాట్లాడుతూ, విద్యకు ప్రభుత్వం ఎంత ప్రాధాన్యత ఇస్తుందో, క్రీడలకు కూడా అంతే ప్రాధాన్యత ఇస్తోందని తెలిపారు. గ్రామీణ ప్రాంతాల్లోని ప్రతిభావంతులైన క్రీడాకారులను గుర్తించి, వారిని జిల్లా, రాష్ట్ర, జాతీయ, అంతర్జాతీయ స్థాయిలలో రాణించేలా ప్రోత్సహించేందుకు ప్రభుత్వం కృషి చేస్తోందని తెలిపారు.
క్రీడల్లో ప్రతిభ కనబరిచి పతకాలు సాధించిన వారికి ప్రభుత్వం ఉద్యోగ అవకాశాలతోపాటు ఇతర ప్రోత్సాహకాలు అందిస్తోందని ఆయన తెలిపారు. యువత చదువుతోపాటు క్రీడల్లోనూ రాణించి తల్లిదండ్రులకు, ప్రాంతానికి మంచి పేరు తీసుకురావాలని ఆయన ఆకాంక్షించారు.
ఈ కార్యక్రమంలో జిల్లా ఫుట్బాల్ అసోసియేషన్ సభ్యులు, క్రీడాకారులు, విద్యార్థులు పాల్గొన్నారు.
