ఈ నెల 29న ఉదయగిరి నియోజకవర్గంలో ముఖ్యమంత్రి నారా చంద్రబాబు నాయుడు, డిప్యూటీ సీఎం పవన్ కల్యాణ్, మంత్రి నారా లోకేష్ పర్యటన నేపథ్యంలో పల్లె పండుగ3.0 కార్యక్రమానికి పకడ్బందీ ఏర్పాట్లు జరుగుతున్నాయి. ఈ ఏర్పాట్లను ఉదయగిరి నియోజకవర్గ అబ్సెర్వేర్, పర్చూరు శాసనసభ్యులు ఏలూరి సాంబశివరావు, ఎమ్మెల్యే కాకర్ల సురేష్తో కలిసి పరిశీలించారు.
సభా ప్రాంగణం, వేదిక, పార్కింగ్, రవాణా, తాగునీరు, వైద్యం, భద్రత ఏర్పాట్లపై అధికారులతో ఆయన సమీక్షించారు. ప్రజలకు ఎలాంటి అసౌకర్యం కలగకుండా పకడ్బందీ చర్యలు చేపట్టాలని అధికారులను సూచించారు. ఈ కార్యక్రమాన్ని విజయవంతం చేసేందుకు సమన్వయంతో పనిచేయాలని పిలుపునిచ్చారు.
