వైస్ ఎంపీపీ భార్య మృతికి దద్దాల నారాయణ యాదవ్ సంతాపం

వెలిగండ్ల మండలం అగ్రహారంలో వైస్ ఎంపీపీ ఎర్రబోయిన నాగూరు సతీమణి నారాయణమ్మ అనారోగ్యంతో మరణించడంతో, ఈ విషాద వార్త తెలిసిన వెంటనే కనిగిరి నియోజకవర్గం వైఎస్సార్సీపీ ఇంచార్జి దద్దాల నారాయణ యాదవ్ శుక్రవారం ఉదయం అగ్రహారానికి చేరుకున్నారు.

ఆమె భౌతికకాయాన్ని సందర్శించిన దద్దాల నారాయణ యాదవ్, పూలమాలలు వేసి ఘనంగా నివాళులర్పించారు. అనంతరం మృతురాలి కుటుంబ సభ్యులను పరామర్శించి, వారి దుఃఖంలో పాలుపంచుకొని, కుటుంబానికి ప్రగాఢ సానుభూతి తెలిపారు. నారాయణమ్మ ఆత్మకు శాంతి చేకూరాలని భగవంతుని ప్రార్థించినట్లు ఆయన తెలిపారు.

ఈ కార్యక్రమంలో గజ్జల వెంకటరెడ్డి, కటికల వెంకటరత్నం, గాండ్లపర్తి ఆదినారాయణ రెడ్డి, ఎలిక నారాయణ, తాతపూడి సురేష్, కుప్పన బోయిన వెంకట రామయ్య, కేలం శేఖర్ రెడ్డి, మారం వెంకటేశ్వర రెడ్డి, బొబ్బ వెంకటరెడ్డి, ఎంపీటీసీ గురవయ్య, దాదా సోమయ్య, పద్యాల హరికృష్ణ, చల్లా మాలకొండయ్య, రాయుడు, చాగాని బ్రహ్మారెడ్డి, పొట్టేళ్ల బాలయ్య, బి. రాము తదితరులు పాల్గొన్నారు.

నారాయణమ్మ మృతి పట్ల స్థానిక నాయకులు, ప్రజలు తీవ్ర దిగ్భ్రాంతి వ్యక్తం చేశారు. ఆమె కుటుంబానికి ఈ కష్టకాలంలో మనోధైర్యం కలగాలని ఆకాంక్షించారు. ఈ సంఘటనతో అగ్రహారంలో విషాదఛాయలు అలుముకున్నాయి.