ఏలూరు, 27-07-2026
స్థానిక కలిదిండి మార్కెట్ యార్డ్ ప్రాంగణంలో సోమవారం కలిదిండి మానవతా సంస్థ నెలవారీ సమావేశం జరిగింది. ఈ సందర్భంగా, మార్కెట్ యార్డ్ నూతన చైర్మన్గా బాధ్యతలు స్వీకరించిన శ్రీ కూరెళ్ళ ఏడుకొండలు గారిని మానవతా సంస్థ సభ్యులు ఘనంగా సత్కరించారు.
స్థానిక కలిదిండి మార్కెట్ యార్డ్ ప్రాంగణంలో సోమవారం కలిదిండి మానవతా సంస్థ నెలవారీ సమావేశం అత్యంత ఉత్సాహపూరిత వాతావరణంలో జరిగింది. ఈ సమావేశానికి మానవతా సంస్థ ప్రతినిధులు, స్థానిక ప్రముఖులు పెద్ద ఎత్తున హాజరయ్యారు.
ఈ సందర్భంగా, కలిదిండి మార్కెట్ యార్డ్ నూతన చైర్మన్గా బాధ్యతలు స్వీకరించిన శ్రీ కూరెళ్ళ ఏడుకొండలు గారిని మానవతా సంస్థ సభ్యులు ఘనంగా సత్కరించారు. ఆయనను పూలమాలలతో సత్కరించి, శాలువా కప్పి ఆత్మీయంగా అభినందించారు.
ఈ సన్మాన కార్యక్రమం అనంతరం నూతన చైర్మన్ శ్రీ కూరెళ్ళ ఏడుకొండలు మాట్లాడుతూ, మానవతా సంస్థ చేపడుతున్న సేవా కార్యక్రమాలను కొనియాడారు. సంస్థ అభివృద్ధికి మరియు భవిష్యత్తులో వారు చేపట్టబోయే కార్యక్రమాలకు తన వంతు సంపూర్ణ సహకారం అందిస్తానని ఆయన హామీ ఇచ్చారు.
ఈ కార్యక్రమంలో మానవతా సంస్థ అధ్యక్షులు శ్రీ పోకల దుర్గాప్రసాద్, ఉపాధ్యక్షులు శ్రీ కలిదిండి ఆంజనేయులు, చైర్మన్ శ్రీ పెటేటి వివేకానంద, కో-చైర్మన్ శ్రీ చిట్టూరి బాలకృష్ణ, కన్వీనర్ శ్రీ గోదావరి సత్యనారాయణ, గౌరవ డైరెక్టర్ శ్రీ మారుబోయిన రత్నారావు, ప్రధాన కార్యదర్శి శ్రీ వడుపు రమేష్, కోశాధికారి శ్రీ పత్తి శ్రీనివాసరావు పాల్గొన్నారు.
అలాగే, కార్యవర్గ సభ్యులు శ్రీ పేరం ప్రసాదు, శ్రీ వాకాని సుబ్రహ్మణ్యం, డైరెక్టర్లు శ్రీ తిరుమల శెట్టి రాంబాబు, శ్రీ నూకల శ్యామల రావు గుప్తా మరియు మార్కెట్ యార్డ్ సిబ్బంది తదితరులు ఈ సమావేశంలో విశేషంగా పాల్గొన్నారు.
