భారత్, కెనడా దేశాల మధ్య సమగ్ర ఆర్థిక భాగస్వామ్య ఒప్పందం ()పై కేంద్ర వాణిజ్య, పరిశ్రమల శాఖ మంత్రి పీయూష్ గోయల్, కెనడా అంతర్జాతీయ వాణిజ్య శాఖ మంత్రి మనీందర్ సిధు చర్చలు జరిపారు. ఇరు దేశాల మధ్య వాణిజ్య సంబంధాలను బలోపేతం చేయడం, వ్యాపార అవకాశాలను మెరుగుపరచడం ఈ చర్చల ముఖ్య ఉద్దేశ్యం.
కేంద్ర వాణిజ్య, పరిశ్రమల శాఖ మంత్రి పీయూష్ గోయల్ కెనడా అంతర్జాతీయ వాణిజ్య శాఖ మంత్రి మనీందర్ సిధుతో సమావేశమయ్యారు. భారత్-కెనడా మధ్య సమగ్ర ఆర్థిక భాగస్వామ్య ఒప్పందం () చర్చలను మరింత ముందుకు తీసుకెళ్లడం, ఇరు దేశాల మధ్య వాణిజ్య సంబంధాలను బలోపేతం చేయడంపై ఇరువురు నేతలు చర్చించారు. రెండు దేశాల వ్యాపార సంస్థలకు మెరుగైన మార్కెట్ అవకాశాలు కల్పించేలా పరస్పర ప్రయోజనాలు, సమతుల్య నిబంధనలతో ఒప్పందాన్ని రూపొందించాల్సిన అవసరాన్ని వారు ప్రస్తావించారు. ఈ ఒప్పందం ద్వారా వాణిజ్యం, పెట్టుబడులకు కొత్త అవకాశాలు ఏర్పడతాయని పీయూష్ గోయల్ పేర్కొన్నారు. 2030 నాటికి భారత్-కెనడా ద్వైపాక్షిక వాణిజ్యాన్ని 50 బిలియన్ డాలర్లకు పెంచుకోవాలని ఇరు దేశాలు లక్ష్యంగా పెట్టుకున్నాయి. 2026 చివరి నాటికి చర్చలను పూర్తి చేయాలని ప్రయత్నిస్తున్నాయి.
