చీరాల, 2026-08-30
30 ఏళ్ల క్రితం ప్రారంభమైన వెలుగొండ ప్రాజెక్టుకు కృష్ణా జలాలు వస్తున్నా, గత చంద్రబాబు పాలనలో దళితులకు సంక్షేమ పథకాలు అందడం లేదని దళిత హక్కుల పరిరక్షణ సమితి అధ్యక్షులు నీలం నాగేంద్రరావు ఆరోపించారు. చీరాల పోలీస్ స్టేషన్లో పెండింగ్ కేసుల పరిష్కారం కోసం వచ్చిన ఆయన విలేకరులతో మాట్లాడారు.
30 ఏళ్ల క్రితం ప్రారంభించిన వెలుగొండ ప్రాజెక్టుకు కృష్ణానది జలాలు వస్తున్నప్పటికీ, గత చంద్రబాబు పాలనలో ఎస్సీ, ఎస్టీలకు సంక్షేమ పథకాలు అందక కన్నీళ్లు వస్తున్నాయని దళిత హక్కుల పరిరక్షణ సమితి అధ్యక్షులు నీలం నాగేంద్రరావు ఆరోపించారు. ఆదివారం చీరాల పోలీస్ స్టేషన్లో పెండింగ్ కేసుల పరిష్కారం కొరకు వచ్చిన ఆయన విలేకరులతో మాట్లాడారు.
బీసీలు తెలుగుదేశం పార్టీకి వెన్నెముక అంటూ ప్రచారం చేసుకున్న తప్ప, చంద్రబాబు అధికారంలోకి వచ్చిన తర్వాత బీసీ కార్పొరేషన్ ద్వారా సబ్సిడీ రుణాలు ప్రకటించి ఇస్తున్నట్లు ప్రచారం చేసుకుని ఫోటోలు దిగినా, రాష్ట్రంలో ఒక్కరికి కూడా సబ్సిడీ రుణాలు ఇవ్వలేదని నాగేంద్రరావు విమర్శించారు. బీసీలకు ఇచ్చిన హామీలను నెరవేర్చడంలో ప్రభుత్వం విఫలమైందని ఆయన అన్నారు.
గత ప్రభుత్వం మాల, మాదిగ, రెల్లి కార్పొరేషన్లుగా విభజించిన ఎస్సీ, ఎస్టీ కార్పొరేషన్లకు చంద్రబాబు నాయుడు ప్రభుత్వం ప్రత్యేక బడ్జెట్ కేటాయించి, నిధులు విడుదల చేయకుండా మూడో ఏడు కూడా మమ అనిపించిందని నాగేంద్రరావు ఆరోపించారు. ఎస్సీ, ఎస్టీ సబ్ ప్లాన్ నిధుల వినియోగం గురించి రాజధాని అమరావతిలో సాంఘిక సంక్షేమ శాఖ మంత్రి డోల శ్రీ బాల వీరాంజనేయ స్వామి ప్రెస్ మీట్ పెట్టి గొప్పగా గణాంకాలు చెబుతున్నా, సబ్ ప్లాన్ నిధులు రూపాయి కూడా జిల్లాలకు విడుదల కాలేదని ఆయన అన్నారు. మంత్రి సొంత జిల్లా ప్రకాశం జిల్లాలో సబ్ ప్లాన్ నిధుల గురించి జిల్లా కలెక్టర్ కానీ, సంక్షేమ శాఖ మంత్రి కానీ నోరు మెదపడం లేదని విమర్శించారు.
నక్సలైట్లతో ప్రభుత్వ చర్చలప్పుడు ఆమోదించిన కోనేరు రంగారావు కమిటీ జీవోలు అమలుకు నోచుకోలేదని, అంటరానితనం నిర్మూలనకు, దళితులపై దాడులను నియంత్రించడానికి ప్రభుత్వం ఆమోదించిన జస్టిస్ పున్నయ్య కమిషన్ జీవోలు సాంఘిక సంక్షేమ శాఖలో కూడా కనిపించడం లేదని నాగేంద్రరావు పేర్కొన్నారు. ఎస్సీ, ఎస్టీ, బీసీలు కులాంతర వివాహాలు చేసుకుంటే ప్రభుత్వం ఇచ్చే ప్రోత్సాహ నిధులు కూడా ప్రభుత్వం ఇవ్వకుండా, సంక్షేమ శాఖల నుండి సచివాలయాలకు పంపించి, ఆన్లైన్ ఓపెన్ కాలేదని రెండున్నర సంవత్సరాలుగా చెబుతున్నారని ఆయన తెలిపారు.
ఎస్సీ గురుకులాల విద్యార్థులు చదువుతున్న కోట, తాడికొండ, చింతమెట్ట హాస్టళ్లను మూసివేసి, దళిత విద్యార్థుల పాలిట ద్రోణాచార్యులుగా కూటమి ప్రభుత్వం మారిందని నాగేంద్రరావు విమర్శించారు. ఆదాని, అంబానీలకు 99 రూపాయలకే ప్రభుత్వ భూములు కేటాయిస్తూ, 80 ఏళ్ల స్వతంత్ర భారతంలో దళితులకు సొంత ఇళ్ల స్థలాలు, స్మశాన భూములు కూడా ఇవ్వకుండా బానిసలుగా చూస్తుందని ఆయన ఆరోపించారు.
ఎస్సీ, ఎస్టీ విదేశీ విద్య పేరుతో 7 ఏళ్లలో 17 మందిని విదేశాలకు పంపించి ప్రపంచ రికార్డు సాధించిన ఘనత ఆంధ్రప్రదేశ్ ప్రభుత్వానిదేనని ఆయన అన్నారు. అయితే, ఎస్సీ, ఎస్టీలు హత్యకు, అత్యాచారాలకు గురైతే ప్రభుత్వ ఉద్యోగాలు కూడా ఇవ్వకుండా ఎస్సీ, ఎస్టీ చట్టాలకు తూట్లు పొడుస్తుందని విమర్శించారు. ప్రాజెక్టు నిర్వాసితులకు ప్రభుత్వ ఉద్యోగాలు ఇస్తున్న ప్రభుత్వాలు, ఎస్సీ, ఎస్టీ అత్యాచార బాధితులకు మాత్రం ఉద్యోగాలు ఇవ్వక వారి ఉసురు పోసుకుంటుందని అన్నారు.
