పుణె నుంచి గువాహటికి బయలుదేరిన ఇండిగో విమానంలో టేకాఫ్ అయిన కొద్దిసేపటికే సాంకేతిక లోపం తలెత్తింది. ల్యాండింగ్ గేర్ ముడుచుకోకపోవడంతో విమానం తిరిగి పుణె విమానాశ్రయానికి చేరుకుంది. ప్రయాణికులందరూ సురక్షితంగా బయటపడ్డారు.
పుణె నుంచి గువాహటికి బయలుదేరిన ఇండిగో విమానం 6 0623లో ఉదయం టేకాఫ్ అయిన కొద్దిసేపటికే సాంకేతిక సమస్య తలెత్తింది. విమానం గాల్లోకి ఎగిరిన వెంటనే ల్యాండింగ్ గేర్ యథాస్థితిలోనే ఉండిపోయినట్లు పైలట్ గుర్తించారు. దీంతో ప్రయాణికులు తీవ్ర ఆందోళనకు గురయ్యారు.
పైలట్ వెంటనే ఎయిర్ ట్రాఫిక్ కంట్రోల్కు సమాచారం అందించారు. దీంతో విమానాశ్రయ అధికారులు పూర్తి అత్యవసర పరిస్థితిని ప్రకటించి, రన్వేపై అగ్నిమాపక వాహనాలు, అంబులెన్సులు, అత్యవసర సహాయక బృందాలను సిద్ధంగా ఉంచారు. విమానం ల్యాండింగ్ గేర్ను పరిశీలించేందుకు ముందుగా రన్వేపై తక్కువ ఎత్తులో ప్రయాణించేలా చేశారు.
అధికారుల పర్యవేక్షణలో, విమానం ఉదయం 9:04 గంటలకు సురక్షితంగా ల్యాండ్ అయింది. విమానంలో 192 మంది ప్రయాణికులు, సిబ్బంది ఉన్నారు. ఎవరికీ ఎలాంటి గాయాలు కాలేదని పుణె విమానాశ్రయ డైరెక్టర్ తెలిపారు.
సాంకేతిక లోపం తలెత్తిన విమానాన్ని తనిఖీల కోసం నిలిపివేశారు. ప్రయాణికుల కోసం ఇండిగో సంస్థ ప్రత్యామ్నాయ విమానాన్ని ఏర్పాటు చేసినట్లు వెల్లడించింది.





