నేషనల్ టెస్టింగ్ ఏజెన్సీ () యూజీసీ నెట్ ( ) డిసెంబర్ 2026 పరీక్షల సబ్జెక్టుల వారీ షెడ్యూల్ను విడుదల చేసింది. ఈ పరీక్షలు డిసెంబర్ 14 నుంచి 18 వరకు, అలాగే డిసెంబర్ 21న కంప్యూటర్ ఆధారిత విధానంలో () నిర్వహించనున్నారు. అభ్యర్థులు తమ సబ్జెక్టుకు సంబంధించిన పరీక్ష తేదీని అధికారిక షెడ్యూల్లో పరిశీలించుకోవచ్చు.
పరీక్షలు రోజుకు రెండు షిఫ్టులలో జరగనున్నాయి. మొదటి షిఫ్ట్ ఉదయం 9 గంటల నుంచి మధ్యాహ్నం 12 గంటల వరకు, రెండో షిఫ్ట్ మధ్యాహ్నం 3 గంటల నుంచి సాయంత్రం 6 గంటల వరకు ఉంటుంది. ప్రతి అభ్యర్థికి పరీక్ష వ్యవధి మూడు గంటలు. పేపర్-1లో 50 ప్రశ్నలు, పేపర్-2లో 100 ప్రశ్నలు ఉంటాయి.
పరీక్ష కేంద్రం నగర వివరాలను నవంబర్ 23న విడుదల చేయనున్నారు. అడ్మిట్ కార్డులను డిసెంబర్ 7 నుంచి డౌన్లోడ్ చేసుకోవచ్చు. అభ్యర్థులు తమ పరీక్ష తేదీ, షిఫ్ట్, ఇతర వివరాల కోసం అధికారిక వెబ్సైట్ను సందర్శించాలని ఎన్టీఏ సూచించింది.
పరీక్షలు: డిసెంబర్ 14, 15, 16, 17, 18, 21, 2026. పరీక్ష కేంద్రం నగర సమాచారం: నవంబర్ 23న. అడ్మిట్ కార్డులు: డిసెంబర్ 7 నుంచి. పరీక్ష విధానం: కంప్యూటర్ ఆధారితం ().





