అనంతరం (క్రౌన్ హ్యూమన్ రైట్స్) సెప్టెంబర్ 13
సింగరాయకొండలో తౌషిక్ మృతి, ఆ తర్వాత అతని తల్లి మౌలాబి మృతికి కారణమైన వారిపై చర్యలు తీసుకోవాలని దళిత హక్కుల పరిరక్షణ సమితి అధ్యక్షుడు నీలం నాగేంద్రరావు డిమాండ్ చేశారు. ఈ మేరకు శనివారం కలెక్టరేట్ వద్ద పీవీ రావు మాల మహానాడు ఆధ్వర్యంలో నిరసన చేపట్టారు.
సింగరాయకొండలో తౌషిక్ మృతికి, ఆ తర్వాత అతని తల్లి మౌలాబి మృతికి కారణమైన వారిపై చర్యలు తీసుకోవాలని దళిత హక్కుల పరిరక్షణ సమితి అధ్యక్షుడు నీలం నాగేంద్రరావు డిమాండ్ చేశారు. శనివారం కలెక్టరేట్ వద్ద పీవీ రావు మాల మహానాడు ఆధ్వర్యంలో నిర్వహించిన నిరసన అనంతరం, జిల్లా కలెక్టర్ రాజాబాబును కలిసి వినతిపత్రం అందజేశారు.
బాధితులకు పరిహారం, నిర్వాహకులపై చర్యలు
తౌషిక్ కుటుంబానికి రూ.50 లక్షలు, మౌలాబి కుటుంబానికి న్యాయం చేయాలని, చైతన్య నవోదయ కోచింగ్ సెంటర్ నిర్వాహకులపై చర్యలు తీసుకోవాలని వారు కోరారు. ప్రభుత్వ అనుమతులు లేకుండా కోచింగ్ సెంటర్ నిర్వహణపై విచారణ జరిపి, ప్రకాశం జిల్లా డీఈవో రేణుకను సస్పెండ్ చేయాలని డిమాండ్ చేశారు. బాధిత కుటుంబానికి మైనార్టీ కార్పొరేషన్ ద్వారా రూ.5 లక్షలు, నాలుగు ఎకరాల భూమి ఇవ్వాలని కోరారు.
కలెక్టర్ సానుకూలంగా స్పందించి సమస్యలను రెండు మూడు రోజుల్లో పరిష్కరించేందుకు చర్యలు తీసుకుంటామని హామీ ఇచ్చినట్లు తెలిపారు.
