గోల్డ్ మ్యాన్ సూర్యాభాయ్ అరెస్ట్: సీఎం, కమిషనర్‌తో పరిచయాలు చెప్పి మో…

వెంకటాపురం, 27 June

సీఎం రేవంత్ రెడ్డికి, హైదరాబాద్ పోలీస్ కమిషనర్‌కు సన్నిహితుడినని చెప్పుకుంటూ లక్షల రూపాయలు వసూలు చేసిన 'గోల్డ్ మ్యాన్' సూర్యాభాయ్‌ను అత్తాపూర్ పోలీసులు అరెస్ట్ చేశారు. తక్కువ ధరకు స్వచ్ఛమైన బంగారం ఇప్పిస్తానని డబ్బులు తీసుకుని మోసం చేసినట్లు అతనిపై ఆరోపణలున్నాయి.

సీఎం రేవంత్ రెడ్డికి అత్యంత సన్నిహితుడిని, హైదరాబాద్ పోలీస్ కమిషనర్‌కు ప్రాణ స్నేహితుడిని అని చెప్పుకుంటూ లక్షల రూపాయలు వసూలు చేసిన ఓల్డ్ సిటీ గోల్డ్ మ్యాన్ సూర్యాభాయ్‌ను అత్తాపూర్ పోలీసులు అరెస్ట్ చేశారు.

ఒళ్లంతా బంగారం ధరించి, తక్కువ ధరకు స్వచ్ఛమైన బంగారం ఇప్పిస్తానని డబ్బులు తీసుకొని మోసాలకు పాల్పడినట్లు అతనిపై ఆరోపణలున్నాయి. డబ్బులిచ్చి నెలలు గడుస్తున్నా బంగారం ఇవ్వలేదని ప్రశ్నించిన వారిపై ఎదురుతిరిగి బెదిరించినట్లు బాధితులు తెలిపారు.

తాము మోసపోయామని గ్రహించిన బాధితులు ఫిర్యాదు చేయడంతో పోలీసులు సూర్యాభాయ్‌ను అదుపులోకి తీసుకున్నారు.