బాపట్ల, జూలై 4
ఆంధ్ర–తెలంగాణ రాధా రంగా మిత్రమండలి చారిటబుల్ ట్రస్ట్ ఆధ్వర్యంలో వంగవీటి మోహన రంగా 79వ జయంతి మహోత్సవాలను శనివారం ఘనంగా నిర్వహించనున్నారు. ఈ సందర్భంగా పలు కార్యక్రమాలు ఏర్పాటు చేశారు.
ఆంధ్ర–తెలంగాణ రాధా రంగా మిత్రమండలి చారిటబుల్ ట్రస్ట్, చీరాల నియోజకవర్గం ఆధ్వర్యంలో మాజీ ఎమ్మెల్యే వంగవీటి మోహన రంగా 79వ జయంతి మహోత్సవాలను శనివారం ఘనంగా నిర్వహించనున్నారు. ఈ మేరకు ట్రస్ట్ ప్రతినిధులు వివరాలు వెల్లడించారు.
ఉదయం 9 గంటలకు ఆమోదగిరిలోని వంగవీటి మోహన రంగా విగ్రహం వద్ద పాలాభిషేకం, పుష్పాభిషేకం, కేక్ కటింగ్ కార్యక్రమాలు ఉంటాయి. అనంతరం ఉదయం 11 గంటలకు పేద విద్యార్థులకు నోట్బుక్స్, పెన్నులు, ఇతర విద్యా సామగ్రిని పంపిణీ చేయనున్నారు.
సాయంత్రం 5 గంటలకు చీరాల గడియార స్తంభం సెంటర్లో వంగవీటి మోహన రంగా చిత్రపటానికి పాలాభిషేకం, పుష్పాభిషేకం నిర్వహించి, కేక్ కటింగ్తో పాటు మిఠాయిల పంపిణీ చేపట్టనున్నారు.
బాపట్ల జిల్లా కమిటీ సభ్యుల ఆధ్వర్యంలో నిర్వహించే ఈ కార్యక్రమాలకు కుల, మత, రాజకీయ భేదాలకు అతీతంగా ప్రజలందరూ హాజరై విజయవంతం చేయాలని నిర్వాహకులు కోరారు.
