జిల్లా న్యాయ సేవా అధికార సంస్థ కార్యదర్శి డాక్టర్ ఏ. కృష్ణ ప్రసాద్ శృంగవరపుకోట సబ్ జైల్ను సందర్శించి, ఖైదీలకు న్యాయ విజ్ఞాన సదస్సు నిర్వహించారు. ఖైదీల హక్కులు, వివక్షత లేని వాతావరణంపై అవగాహన కల్పించారు.
జాతీయ న్యాయ సేవా అధికార సంస్థ ఆదేశాల మేరకు, జిల్లా ప్రధాన న్యాయమూర్తి ఆదేశాల మేరకు డాక్టర్ ఏ. కృష్ణ ప్రసాద్ శృంగవరపుకోట సబ్ జైల్లో తనిఖీలు చేపట్టారు. ఈ సందర్భంగా ఖైదీలకు న్యాయ చట్టాలపై అవగాహన కల్పించారు.
ఖైదీల పట్ల ఎటువంటి వివక్ష చూపరాదని, సుప్రీంకోర్టు తీర్పును గుర్తు చేశారు. వివక్షతకు పాల్పడితే కఠిన చర్యలు తప్పవని హెచ్చరించారు. జైల్ లీగల్ ఎయిడ్ క్లినిక్లను కూడా పరిశీలించి, వాటి పనితీరును పర్యవేక్షించారు.
ఖైదీలకు ఉచిత న్యాయ సహాయం అందించడం తమ కర్తవ్యమని, రిమాండ్లో ఉన్న ఖైదీలకు న్యాయవాది అందుబాటులో ఉండేలా చూస్తామని తెలిపారు. నేర ప్రవృత్తిని విడనాడి, మంచి పౌరులుగా మారాలని ఖైదీలకు సూచించారు.
జైల్లో కల్పించిన సౌకర్యాలపై ఖైదీల అభిప్రాయాలను తెలుసుకున్నారు. వంటగది, భోజనశాల, స్టోర్ రూమ్లను పరిశీలించి, పరిశుభ్రత పాటించాలని సూచనలు ఇచ్చారు. ఈ తనిఖీలో జైలు సిబ్బంది కూడా పాల్గొన్నారు.