జిల్లా ఎస్పీ ఆదేశాల మేరకు పెండ్లిమర్రి పోలీసు స్టేషన్ పరిధిలోని రౌడీ షీటర్లకు, నేర చరిత్ర కలిగిన వ్యక్తులకు సి.ఐ చల్లని దొర శనివారం కౌన్సిలింగ్ నిర్వహించారు. చట్ట వ్యతిరేక కార్యకలాపాలకు దూరంగా ఉండాలని, సత్ప్రవర్తనతో జీవించాలని వారికి సూచించారు.
జిల్లా ఎస్పీ శ్రీ షెల్కే నచికేత్ విశ్వనాథ్ ఐ.పి.ఎస్ గారి ఆదేశాల మేరకు, నేర నియంత్రణ మరియు శాంతిభద్రతల పరిరక్షణలో భాగంగా పెండ్లిమర్రి పోలీసు స్టేషన్ పరిధిలోని రౌడీ షీటర్లకు, నేర చరిత్ర కలిగిన వ్యక్తులకు సి.ఐ చల్లని దొర శనివారం కౌన్సిలింగ్ నిర్వహించారు.
ఈ సందర్భంగా సి.ఐ చల్లని దొర మాట్లాడుతూ, రౌడీ షీటర్లు చట్ట వ్యతిరేక కార్యకలాపాలకు దూరంగా ఉండాలని, సత్ప్రవర్తనతో జీవించాలని, నేర ప్రవృత్తిని విడనాడాలని సూచించారు. చట్టాన్ని గౌరవించాలని, చట్ట వ్యతిరేక పనుల్లో పాల్పడితే తీవ్ర పరిణామాలు ఎదుర్కోవాల్సి వస్తుందని ఆయన హెచ్చరించారు.
ఎటువంటి అసాంఘిక కార్యకలాపాలకు పాల్పడినా చట్టప్రకారం కఠిన చర్యలు తప్పవని ఆయన స్పష్టం చేశారు. సాధారణ పౌరుల భద్రతకు, నిరంతర శాంతిభద్రతల పరిరక్షణకు పోలీసులు కట్టుబడి ఉన్నారని తెలిపారు. ప్రజలు కూడా పోలీసులకు సహకరించాలని, అనుమానాస్పద వ్యక్తులు, కార్యకలాపాలపై సమాచారం అందించాలని కోరారు.
ఈ కౌన్సిలింగ్ కార్యక్రమంలో పలువురు రౌడీ షీటర్లు, పోలీసు సిబ్బంది పాల్గొన్నారు. భవిష్యత్తులో ఇటువంటి కార్యకలాపాలకు పాల్పడబోమని రౌడీ షీటర్లు హామీ ఇచ్చినట్లు సమాచారం.