నాగర్కర్నూల్ జిల్లా కల్వకుర్తి మండలం రఘుపతిపేట గ్రామంలో అల్లుడు, తన అత్తపై అత్యాచారం చేసి, ఆపై ఆమెను హతమార్చిన దారుణ ఘటన చోటు చేసుకుంది.
ఈ ఘటనకు సంబంధించి, కల్వకుర్తి సీఐ నాగార్జున వివరాలను వెల్లడించారు. అల్లుడు మద్యానికి బానిసై, తరచూ తన భార్యను వేధిస్తున్నాడు. ఈ నేపథ్యంలో అత్త, అల్లుడిని ఇంటికి ఇల్లరికంగా తీసుకువచ్చింది.
ఇటీవల భార్యాభర్తల మధ్య గొడవ జరగడంతో, భార్య తన బంధువుల ఇంటికి వెళ్లింది. ఈ సమయంలో అల్లుడు అత్తపై అత్యాచారం చేసి, ఆమెను తీవ్రంగా కొట్టి హతమార్చినట్లు పోలీసులు అనుమానిస్తున్నారు.
ఈ ఘటన స్థానికంగా తీవ్ర కలకలం రేపింది. ఇరుగుపొరుగువారు ఈ విషయాన్ని గుర్తించి, కుటుంబ సభ్యులకు సమాచారం అందించారు. ప్రస్తుతం, పోలీసులు కేసు నమోదు చేసి, దర్యాప్తు చేస్తున్నారు.